На Сонцы зафіксавалі чатыры магутныя выбліскі
3- 22.07.2024, 21:41
- 5,188
![На Сонцы зафіксавалі чатыры магутныя выбліскі](https://i.c97.org/p/articles/ai-177552-aux-head-20151109_sun_NASA_360.jpg)
Метэазалежным беларусам для ведання.
Навукоўцы зарэгістравалі чатыры магутныя выбліскі класу М (перадапошні ў магутнасці) на Сонцы ў панядзелак, 22 ліпеня.
Сонечныя выбліскі ў залежнасці ад магутнасці рэнтгенаўскага выпраменьвання дзеляцца на класы A, B, C, M і X. Яны звычайна суправаджаюцца выкідамі сонечнай плазмы, аблокі якой, дасягаючы Зямлі, здольныя выклікаць магнітныя буры.
Наступствы цяперашніх выбліскаў, паводле прагнозаў навукоўцаў, будуць адчувацца 25 ліпеня.
Сонечных выбліскаў і магнітных бураў будзе станавіцца больш. Навукоўцы тлумачаць гэта тым, што Сонца набліжаецца да піку актыўнасці, які наступіць у 2025 годзе. Сонечны цыкл прадаўжаецца блізу 11 гадоў і чаргуецца фазамі мінімуму і максімуму актыўнасці.