Байдэн адмовіўся сыходзіць у адстаўку

Прэзідэнт ЗША апублікаваў заяву.

Прэзідэнт ЗША Джо Байдэн, які напярэдадні пастанавіў выйсці з перадвыбарнай гонкі, адмовіўшыся ад спробы пераабірацца на другі тэрмін, паведаміў, што прадоўжыць займаць пасаду прэзідэнта. Заява апублікаваная на ягонай старонцы ў сацсетцы X.

У Рэспубліканскай партыі раней заявілі, што Байдэн пасля пастановы адмовіцца ад вылучэння на выбарах павінен пайсці ў адстаўку. Пра гэта ў тым ліку сказалі спікер палаты прадстаўнікоў кангрэса Майк Джонсан і сенатар ад Агаё Джэй Ды Вэнс, кандыдат у віцэ-прэзідэнты Дональда Трампа. Датэрміновую адстаўку раней выключалі ў прэс-службе Белага дому.

«Мы – Злучаныя Штаты Амерыкі, і няма нічога немагчымага, калі мы будзем дзейнічаць разам. Мы проста мусім памятаць, хто мы такія. Я прысвяціў сваё прэзідэнцтва таму, каб даказаць гэта, і я буду прадаўжаць рабіць гэта сёння, заўтра і кожны дзень, калі буду мець гонар быць вашым прэзідэнтам», – гаворыцца ў заяве Байдэна.

Пра выхад з гонкі за пасаду прэзідэнта Байдэн абвясціў 21 ліпеня, ён патлумачыў, што робіць гэта ў інтарэсах сваёй партыі і краіны. Абвяшчэнню кіраўніка дзяржавы папярэднічалі тыдні дыскусіі пра ягоную замену ў якасці кандыдата ад Дэмакратычнай партыі на фоне ўзросту палітыка (Байдэну 81 год), падазрэнняў у праблемах з яго здароўем і няўдалых дэбатаў з экс-прэзідэнтам, кандыдатам ад рэспубліканцаў Дональдам Трампам.

Кандыдаткай у прэзідэнты ад Дэмакратычнай партыі цяпер павінна стаць віцэ-прэзідэнтка Камала Харыс (пастанова будзе прынятая на з'ездзе 19–22 жніўня), яе ўжо падтрымаў сам Байдэн, які перамог на дэмакратычных праймерыз. У сваім першым выступе пасля пастановы кіраўніка дзяржавы выйсці з гонкі палітык сказала, што дасягненні Байдэна за апошнія тры гады «не маюць роўных у сучаснай гісторыі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com