Дроны атакавалі чыгуначную станцыю ў Курскай вобласці РФ

Пад удар трапіла і прамысловае прадпрыемства.

У Расеі паскардзіліся на атаку дронаў на Курскую вобласць уночы24 ліпеня. Падчас трывогі магутныя выбухі прагучалі ў раёне чыгуначнай станцыі ў Льгоўскім раёне.

У сацсетках расейцы публікавалі фота і відэа, на якіх бачны пажар на месцы трапляння, мясцовыя ўлады паспрабавалі запэўніць, што прылёт прыпаў на нібыта непрацоўнае прадпрыемства. Акрамя таго, расейцы паскардзіліся на атаку на прадпрыемства ў Суджы.

Аб «пагрозе нападу БПЛА» жыхароў Курскай вобласці папярэдзілі а 01:50 ночы. Неўзабаве пасля гэтага жыхары Льгоўскага раёна пачалі публікаваць відэа, на якіх чуваць гучныя выбухі, перадае obozrevatel.com.

Крыху пазней мясцовыя Telegram-каналы пачалі пісаць, што прылёт быў у раёне чыгуначнай станцыі.

«Папярэдне: вораг паспрабаваў атакаваць раён чыгуначнай станцыі ў Льгоўскім раёне Курскай вобласці», – напісаў адзін з паблікаў.

Мяркуючы з фота і відэа ў сеціве, на месцы прылёту ўспыхнуў пажар.

Мясцовыя ўлады аператыўна прыняліся зняпраўджваць сур'ёзнасць прылёту: маўляў, і прадпрыемства было непрацоўным, і пажар хутка патушылі.

«Сёння ўночы ўкраінскія беспілотнікі атакавалі непрацоўнае прадпрыемства ў горадзе Льгове. Пасля скідаў выбуховых прылад на тэрыторыі ўзнікла ўзгаранне, якое было аператыўна патушанае пажарнай камандай», – заявіў ІА губернатара Курскай вобласці Андрэй Смірноў.

Для якіх мэт выкарыстоўвалася гэтае «непрацоўнае прадпрыемства» і ці не былі там размешчаныя расейскія вайскоўцы, тэхніка або ўзбраення УС РФ – чыноўнік удакладняць не стаў.

Акрамя таго, губернатар Курскай вобласці паскардзіўся на атаку дронаў на прадпрыемства ў Суджы.

«Сёння ноччу ўкраінскія коптары атакавалі тэрыторыю прамысловага прадпрыемства ў горадзе Суджы. Ніхто з працаўнікоў не пацярпеў. Пасля скідаў выбуховых прыстасаванняў пашкоджаныя тэхналагічныя памяшканні і пэўнае абсталяванне», – дадаў Смірноў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com