Вядомы ўкраінскі артыст трапіў пад абстрэл у Харкаве

Спявак апынуўся ў эпіцэнтры выбухаў у момант удараў РФ па прыватным сектары.

Вядомы ўкраінскі спявак Сяргей Бабкін і ягоная жонка Сняжана, якія днямі вярнуліся ў родны Харкаў, апынуліся ў эпіцэнтры выбухаў.

Вораг здзейсніў чарговы абстрэл прыватнага сектара ў Харкаве сёння, 24 ліпеня.

У сваім Instagram выканаўца падзяліўся падрабязнасцямі страшнай раніцы. Паводле ягоных слоў, яны з каханай і сябрамі арандавалі дом.

Побач з іх домам быў размешчаны яшчэ адзін, які таксама здаюць у арэнду. Планы зорных мужа і жонкі на адпачынак сапсавалі акупанты.

Яны нанеслі ракетны ўдар па Харкаве. Адзін з расейскіх набояў патрапіў у суседні дом. Ён знаходзіўся, як расказаў Бабкін, за 5 метраў ад іх дома. Пара кажа, што ім вельмі пашанцавала, бо "прылёт" мог адбыцца па іх жыллі.

Бабкіны прачнуліся а 5 раніцы ад гучных выбухаў. Адразу пачаўся пажар, у доме павыляталі шыбы.

«Мы з сябрамі арандавалі дом на ноч. На гэтай тэрыторыі быў яшчэ адзін за пяць метраў ад нашага. Другі дом арандавалі дзве пары. Сёння а пятай раніцы прыляцела С-300 у дом побач. Мы прачнуліся ад страшнага гуку. Паляцелі шыбы, дым, агонь. Праз 10 хвілін прыехала шмат паліцыі, пажарныя. Нам усім неверагодна пашанцавала! Дагэтуль шум у галаве. Дзякуй, што жывыя», – падзяліўся музыка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com