Туск расказаў пра ролю паліцыі ў ахове мяжы з Беларуссю

«Вынікі сапраўды дзівосныя».

На ўрачыстым мерапрыемстве, прысвечаным 105-годдзю паліцыі Польшчы, прэм'ер-міністр краіны Дональд Туск звязаў зніжэнне міграцыйнага ціску на граніцы з Беларуссю з адпраўкай на дапамогу пагранічнікам і салдатам падраздзяленняў паліцыі.

«Вынікі сапраўды дзівосныя. Маю падтрымаць вас у тым, што вы тамака робіце. І мяне, і вас часта крытыкуюць, але мы добра ведаем, якую важную місію выконваем на мяжы. Яшчэ ў траўні было 7 тысяч спроб незаконнага пераходу граніцы. Яшчэ ў чэрвені было блізу 4 тысяч спроб парушэння мяжы, а ў ліпені - 800. З моманту, як паліцыя далучылася да дапамогі Памежнай ахове там на мяжы, маем справу з вельмі сур'ёзнымі пазітыўнымі фактамі. Польшча з'яўляецца больш бяспечнай дзякуючы вашым намаганням», - сказаў ён.

Прэм'ер таксама заявіў аб выдзяленні дадатковых сродкаў у бюджэце на будучы год у суме 1 млрд злотых на абсталяванне для паліцэйскіх падраздзяленняў.

Нагадаем, памежная зона стала крыніцай напружання з 2021 года, калі Беларусь перапраўляла мігрантаў з Блізкага Усходу і Афрыкі ў Польшчу і краіны Балтыі. Улады ЕЗ заявілі, што гэта было зроблена з мэтай стварэння хаосу і дэстабілізацыі рэгіёна. Заходнія чыноўнікі заклікалі Менск вывесці ўсіх нелегальных мігрантаў з прыгранічных тэрыторый і вярнуць іх у краіны, з якіх яны прыбылі.

У сярэдзіне жніўня 2023-га года Літва пастанавіла закрыць два з шасці пунктаў пропуску на мяжы з Беларуссю, а Латвія абвясціла аб мабілізацыі дадатковых супрацоўнікаў пагранслужбы «ў сувязі з гібрыднай пагрозай, якая хутка расце на латвійска-беларускай дзяржаўнай мяжы». «Мы гатовы дзейнічаць, каб прыйсці на дапамогу, прымаць пастановы - уключаючы закрыццё мяжы», - заявіла міністр унутраных спраў Літвы Агне Білатайтэ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com