У Беларусь забаранілі ўвозіць расейскія пельмені
16- 24.07.2024, 16:38
- 4,766
![У Беларусь забаранілі ўвозіць расейскія пельмені](https://i.c97.org/ai/560346/aux-head-1692436370-20230819_pelmeni_360.jpg)
У іх знайшлі небяспечныя бактэрыі.
У Беларусь забаранілі ўвозіць і прадаваць пельмені з курыным філе «Белабокі» расейскай вытворчасці. У іх знайшлі небяспечныя бактэрыі, паведамляе Дзяржстандарт.
Пельмені «Белабокі» вытворчасці ТАА «Ларнета» (Расея, г. Дзяржынск) трапілі ў рэестр небяспечнай харчовай прадукцыі, якая не адпавядае патрабаванням тэхрэгламенту Мытнага саюза.
Спецыялістаў не задаволілі мікрабіялагічныя паказчыкі: у 25 г прадукту выяўлены недапушчальныя патагенныя мікраарганізмы роду Salmonella.
Увоз і продаж пельменяў у Беларусі забаронены.