Ізраіль адклаў увядзенне новых правіл уезду

У тым ліку для беларусаў.

Улады Ізраіля адклалі да 1 студзеня 2025 года ўвядзенне абавязковых платных электронных дазволаў (ETA) на ўезд у краіну. Аб гэтым паведаміла Міністэрства турызму краіны, піша Office Life.

Раней анансавалі, што з 1 жніўня 2024 года грамадзянам Беларусі і іншым бязвізавым для Ізраіля краінам для кароткатэрміновых паездак (турыстычных, гасцявых, дзелавых) трэба будзе атрымліваць спецыяльны дазвол ETA-IL. Ён будзе дзейнічаць цягам двух гадоў або да даты заканчэння тэрміну дзеяння пашпарта - у залежнасці ад таго, што наступіць раней. Падача такой заяўкі будзе каштаваць 25 шэкелей (крыху менш за $7).

Цяпер жа Міністэрства турызму Ізраіля заявіла, што сайт для афармлення ETA пачаў працу ў тэставым рэжыме з 1 чэрвеня 2024 года і цягам гэтага перыяду Управа народанасельніцтва і міграцыі атрымала шэраг запытаў аб пераглядзе даты пераходу ад тэставага рэжыму да працоўнага.

У ведамстве ўдакладнілі, што ў асноўным такога кшталту запыты накіравалі авіякампаніі, якія адзначалі, што ім патрэбны дадатковы час для падрыхтоўкі і ўкаранення неабходных тэхналагічных сістэм.

У выніку ўлады Ізраіля пастанавілі падоўжыць тэставы рэжым яшчэ на пяць месяцаў - да 1 студзеня 2025 года. Да гэтай даты афармленне ETA будзе добраахвотным і бясплатным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com