БАДы дазволілі прадаваць у крамах Беларусі

Але толькі ў спецыяльных аддзелах.

Біялагічна актыўныя дадаткі (яны ж БАДы) дазволілі прадаваць у крамах, але толькі ў спецыяльных аддзелах. Таксама здымаецца забарона з продажу дадаткаў онлайн, але прадаўцу трэба выканаць патрабаванні продажу і захоўвання. Новыя правілы рэалізацыі пачалі дзейнічаць пасля ўступлення ў дзеянне пастановы Саўміна ад 10 ліпеня 2024 г. №489.

«Змяненнямі прадугледжана: зняцце забароны на рэалізацыю біялагічна актыўных дадаткаў да ежы, якія ўжываюцца для падтрымання ў фізіялагічных межах функцыянальнай актыўнасці арганізма, выключна праз аптэкі - рэалізацыя ўсіх біялагічных дадаткаў да ежы дазваляецца ў спецыялізаваных крамах, аддзелах (секцыях) продажу біялагічна актыўных дадаткаў, са спецыяльна адведзеным гандлёвым абсталяваннем у аддзелах (секцыях) продажу харчовых тавараў.

Дапускаецца - вядзенне дыстанцыйнага гандлю ўсімі катэгорыямі біялагічна актыўных дадаткаў да ежы пры ўмове наяўнасці ў прадаўца гандлёвага аб'екта і (або) складскіх памяшканняў, у якіх ажыццяўляюцца продаж і (або) захоўванне названай харчовай прадукцыі», - растлумачылі ў Міністэрстве аховы здароўя.

Падобныя патрабаванні продажу БАДаў дзейнічаюць і ў Расеі. Раней дабаўкі ў Беларусі прадавалі толькі ў аптэках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com