У Беларусі будуць будаваць менш новых дарог

Чыноўнік заявіў, што шчыльнасць дарожнай сеткі ў краіне і так высокая.

Пра намер скараціць аб'ёмы будаўніцтва новых дарог расказаў кіраўнік Галоўнай управы аўтадарог Мінтранса Рыгор Глазко.

Рыгор Глазко паведаміў, што па аўтамабільных дарогах агульнага карыстання ў Беларусі перавозяцца больш як 40 адсоткаў усіх грузаў і блізу 60 адсоткаў пасажыраў.

Паводле звестак Мінтранса, на 1 студзеня 2024 года даўжыня аўтамабільных магістраляў агульнага карыстання ў Беларусі складае амаль 87 тыс. км. З іх да рэспубліканскай сеткі адносяцца блізу 16 тыс. км, а да мясцовай – 71 тыс. км.

Пры гэтым шчыльнасць дарожнай сеткі ў Беларусі, як сцвярджае чыноўнік, адна з самых высокіх на постсавецкай прасторы і нават у Еўропе. Таму прынятая пастанова адыходзіць ад новага будаўніцтва на карысць праектаў рэканструкцыі дарог і мастоў.

Асноўная мэта – захаваць і палепшыць створаную сетку дарог з дапамогай актуальных і капітальных рамонтаў. У час такіх рамонтаў дарожныя будаўнікі будуць замяняць або рамантаваць пакрыццё так, каб яно вытрымлівала нагрузкі да 11,5 т на вось.

Другая задача – рамонт мастоў. Аб'ём такіх працаў будзе расці з атрыманнем неабходнага фінансавання, дадаў Рыгор Глазко.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com