Генштаб Брытаніі: РФ рызыкуе страціць 1,5 мільёна вайскоўцаў для дасягнення «мінімальных мэтаў» ва Украіне

Таксама расейскае войска страціць ваеннай тэхнікі на «незлічоныя мільярды даляраў».

Расеі для ўзяцця пад поўны кантроль чатырох украінскіх рэгіёнаў – Данецкай, Луганскай, Запарожскай і Харкаўскай абласцей – спатрэбіцца не менш за пяць гадоў, заявіў кіраўнік генштаба Узброеных сілаў Вялікай Брытаніі генерал Ролі Уокер. Для дасягнення гэтых «мінімальных мэтаў» Масква страціць больш за 1,5 млн вайскоўцаў, мяркуе военачальнік.

Апроч стратаў у жывой сіле, расейскае войска страціць ваеннай тэхнікі на «незлічоныя мільярды даляраў», дадаў генерал падчас выступу на канферэнцыі RUSI Land Warfare. Уокер адзначыў, што не разумее, якім чынам вайна ва Украіне можа быць карысная для Расеі.

У той самы час ён прызнаў, што і ўкраінскае войска нясе высокія страты падчас вайсковага канфлікту з РФ. «У доўгай вайне няма пераможцаў. <…> Гэта поўнае спусташэнне і страчаныя пакаленні для абодвух бакоў», – прыводзіць BBC ягоныя словы.

Напярэдадні ў Мінабароны Брытаніі паведамілі, што з пачатку ўварвання ва Украіну Расея страціла 550 тыс. вайскоўцаў. Ва ўстанове мяркуюць, што Уладзіміру Пуціну спатрэбіцца пяць гадоў, каб вярнуць войска да колькасці лютага 2022 года, яшчэ пяць гадоў пойдзе на «выпраўленне слабых месцаў», якія выявіла вайна.

Паводле звестак брытанскай выведкі, травень і чэрвень сталі аднымі з самых смяротных месяцаў для расейскага войска ў сувязі з адкрыццём новага фронту ў Харкаўскай вобласці і актывізацыяй наступу ў Данбасе. За два месяцы Узброеныя сілы РФ страцілі 70 тыс. байцоў, не дасягнуўшы пры гэтым сур'ёзных поспехаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com