У гонар загінулага на беларускай мяжы польскага жаўнера назавуць падраздзяленне
1- 25.07.2024, 17:25
- 1,750
![У гонар загінулага на беларускай мяжы польскага жаўнера назавуць падраздзяленне](https://i.c97.org/ai/604234/aux-small-1721918978-20240721_siek_360.png)
Пастанову прыняў міністр нацыянальнай абароны Польшчы.
Міністэрства нацыянальнай абароны Польшчы загадала назваць фармаванне Сіл тэрытарыяльнай абароны, якое ахоўвае мяжу, у гонар пагранічніка Матэвуша Сітэка, які загінуў у пачатку чэрвеня праз нанесеныя мігрантам нажавыя раненні.
Пра гэта паведамляе RMF FM.
Пастанову аб ушанаванні памяці польскага жаўнера Сітэка, які загінуў у выніку нападу мігрантаў на польска-беларускай мяжы, прыняў міністр нацыянальнай абароны Уладзіслаў Касіняк-Камыш.
Паводле інфармацыі RMF FM, імем сяржанта Матэвуша Сітэка назавуць Кампанент аховы мяжы - складнік Сіл тэрытарыяльнай абароны, які падтрымлівае памежнікаў у ахове памежнай сцяны. У ім раней служыў і загінулы.