У Валгаградскай вобласці РФ разбіўся бамбавік Су-34
12- 27.07.2024, 15:31
- 6,258
![У Валгаградскай вобласці РФ разбіўся бамбавік Су-34](https://i.c97.org/p/articles/ai-222627-aux-head-20160915_su35c_t.jpg)
Самалёт выконваў навучальна-трэніровачны палёт.
Бамбавік Су-34 пацярпеў крушэнне падчас навучальна-трэніровачнага палёту ў Валгаградскай вобласці. Абодва лётчыкі катапультаваліся, паведаміла Мінабароны РФ.
Паводле звестак установы, самалёт упаў у бязлюднай мясцовасці, на зямлі разбурэнняў няма. Палёт выконваўся без боекамплекту. Папярэдняй прычынай надзвычайнага здарэння назвалі тэхнічную няспраўнасць.
11 чэрвеня франтавы знішчальнік-бамбавальнік Су-34 разбіўся ў горнай мясцовасці Паўночнай Асеціі. У той раз экіпаж загінуў. Прычынай крушэння таксама назвалі тэхнічную няспраўнасць.