Дзіўны плакса Белавусаў

Крамлёўскі хадок з памятым тварам прыбыў да Осціна ў Пентагон.

Усё змяшалася ў крамлёўскай вар'яцкай хаце.

Міністр абароны Расеі Белавусаў тэлефанаваў у Вашынгтон міністру абароны Осціну скардзіцца на тое, што ўлады Украіны рыхтуюць нейкую таемную аперацыю супраць Расеі. Што за аперацыя – невядома.

Аб сутнасці размовы са спасылкай на крыніцы напісала «Нью-Ёрк Таймс».

Сам факт гутаркі на ініцыятыву Белавусава стаў вядомы раней – пра яго 12 ліпеня распавяла прадстаўніца Мінабароны ЗША Сабрына Сінгх.

Расейскае ведамства аб тым, што адбылося, замоўчвала. Відаць, Белавусаў уважае, што можа ведаць амерыканскі народ, расейскаму народу ведаць неабавязкова, а размова Белавусава з Осцінам – прыватная справа самога Белавусава і Пуціна, расейскай грамадскасці яна не тычыцца. Таму што, калі паведаміць гэтую навіну, то не ляжа яна ў прапагандысцкую каляіну аб бязлітаснай барацьбе з Амерыкай.

Прапаганда шле пасланне, што пуцінцы «ваююць з NATO». Прычым, на чале NATO Амерыка, якая ўсім кіруе і гэта смяротны вораг, ад якога пацяганыя геапалітычныя коні са сцёртымі капытамі «павярнулі на ўсход». І раптам такі дзіўны плакса абазначыўся – Белавусаў з прашэннем у Вашынгтон!

Як жа, «калі вораг не здаецца, то яго знішчаюць»? Што ж «да перамогі»? Куды падзелася «з намі большасць чалавецтва»? У Вялікую Айчынную ваш Сталін таксама ў Бэрлін тэлефанаваў дзе-небудзь у 1943-м ці Жукаву даручаў? Што скажа злосны ядравы Мішутка з начыненай фекаліямі зброяй – сваім тэлеграм-каналам? «Гэта што за непаразуменне»? Адказвайце нам, Сіманьян з Салаўёвым!

Прыходзіць міністр Осцін раніцай на працу ў Пентагон, а ў прыёмнай з канапы паднімаецца сіваваты, змардаваны мужык тагасветнага выгляду з пакамячаным тварам, мнучы паперку потнымі рукамі: «Са скаргай мы да вас, не адмовіцеся прыняць захады». Осцін бярэ паперу ў Белавусава, паціскае руку, усміхаецца, кажа, што разбярэцца, і шырокім жэстам прапануе крамлёўскаму хадаку каву з печывам. Здалёк прыбыў, згаладаўся, мусіць.

Тэлеграм-канал «СерпомПо»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com