«Агонь гарэў у нас пад нагамі, у вежы быў дым»
5- 27.07.2024, 21:05
- 9,202
![«Агонь гарэў у нас пад нагамі, у вежы быў дым»](https://i.c97.org/ai/556902/aux-head-1690091530-20230723_bradley_360.jpg)
Як 28-гадовая ўкраінка камандуе Bradley і ратуе жыцці байцоў УСУ.
Злучаныя Штаты Амерыкі адправілі ва Украіну больш за 300 баявых машын пяхоты M2A2 Bradley. Аднак пасля больш за гады інтэнсіўных баявых дзеянняў шматлікія з іх прыйшлося разабраць на запчасткі, каб адрамантаваць іншыя. Байцы 47-й асобнай механізаванай брыгады асцерагаюцца, што імавернае перавыбранне Дональда Трампа прэзідэнтам ЗША пазбавіць іх неабходных запчастак і боепрыпасаў. Аб гэтым піша Times.
Большасць расейскай бронетэхнікі не можа супрацьстаяць Bradley, на рахунку якіх дзясяткі знішчаных расейскіх аналагаў. І ўсё ж украінскія войскі адступаюць назад на Данбасе. За апошні тыдзень акупацыйныя войскі прасунуліся на 6 кіламетраў у напрамку Пакроўска. Гэта апошні горад у Данецкай вобласці перад мяжой з Днепрапятроўскай, дзе некалі пражывала 60 тысяч чалавек.
![](https://i.c97.org/ai/604500/aux-1722102145-2.jpg)
Выданне адзначае, што элітная 47-я брыгада, абсталяваная амерыканскімі танкамі Abrams, Bradley і артылерыяй Paladin, працягвае працаваць у флангавым асяроддзі, бо больш хісткія ўкраінскія падраздзяленні саступаюць і вымушаны адыходзіць.
Штурмавыя расейскія войскі знаходзяцца ўсяго за 20 км ад Пакроўска, на адлегласці артылерыйскага агню. Расейскія самалёты ўжо штодня бамбуюць горад, параўноўваючы з зямлёй школы і дзіцячыя сады ў густанаселеных раёнах, мяркуючы, што там дыслакуюцца ўкраінскія войскі.
На лініі фронту ў Гродаўцы Bradley выкарыстоўваюцца для правядзення аперацый, спрабуючы стрымаць расейскую пяхоту, якая рухаецца наперад. Яны павінны весці агонь і ад'язджаць, праводзячы ў зоне паражэння не больш за дзве хвіліны, інакш рызыкуюць стаць здабычай.
Салдаты 47-й брыгады распавялі журналістам, што расейскі наступ у гэтым раёне пачаўся крыху больш за месяц таму, калі вораг прыцягнуў сотні добра навучаных аператараў беспілотнікаў і выкарыстаў новую частату, якую не змаглі заблакаваць украінскія сродкі глушэння кітайскай вытворчасці.
Расейцы прарваліся наперад пасля таго, як іх беспілотнікі знішчылі транспартныя сродкі ўздоўж украінскіх ліній забеспячэння, пакуль 47-я брыгада і суседнія падраздзяленні не ўсвядомілі новую тактыку і не змаглі адаптаваць свае сістэмы радыёэлектроннай барацьбы да яе.
Як Bradley ратуюць жыцці
Калі ўкраінская пяхота аказваецца пад пагрозай атачэння, Bradley выклікаюць для эвакуацыі байцоў. Браня машыны апынулася больш устойлівай да ўдараў беспілотнікаў, чым у M1 Abrams, якія зараз выкарыстоўваюцца вельмі рэдка.
![](https://i.c97.org/ai/604500/aux-1722101903-1.jpg)
Са словў 28-гадовай Дзвеніславы Рымар, сяржанта 2-га батальёна 47-й механізаванай брыгады, нават калі машыны выведзены са строю, экіпажы звычайна выжываюць. Bradley выратавалі сотні, калі не тысячы ўкраінскіх жыццяў.
«Калі б не Bradley, нас бы тут не было, гэта 100 працэнтаў. Калі б мы былі ў машынах савецкай вытворчасці, нас бы ўжо даўно не было», – сказаў 39-гадовы «Лакін», кіроўца машыны.
Bradley Дзвеніславы падбілі шэсць разоў: двойчы беспілотнікамі «Ланцэт», тройчы беспілотнікамі FPV і адзін раз асколкамі мінамётнай міны, якая падарвала рэактыўную браню машыны.
Падчас апошняга штурму дзяўчына атрымала кантузію, аскепкі разарвалі ёй руку, а выбух выклікаў пажар у Bradley. Расейскі артылерыйскі агонь прастрэльваў мясцовасць вакол, таму «Лакіну» не заставалася нічога іншага, як адʼехаць на 2 км углыб тэрыторыі, кантраляванай Украінай, дзе яны маглі б выратавацца ад полымя. Аднак у Дзвінкі заклініла люк, і яна не змагла выбрацца.
«Агонь гарэў у нас пад нагамі, у вежы быў дым. Наводчыку перабіла нагу, але ён змог выбрацца. Калі ён адкрыў люк, туды патрапіла паветра, і агонь пачаў гарэць мацней», – успамінае дзяўчына.
Oryx, нідэрландскі сайт разведкі на аснове адкрытых крыніц абароннай тэматыкі налічвае 93 пашкоджаных, знішчаных або захопленых Bradley на сёння.