Маці падазраванага ў забойстве Фарыён раскрыла, як ён апынуўся ў Львове
7- 27.07.2024, 21:21
- 13,088
![Маці падазраванага ў забойстве Фарыён раскрыла, як ён апынуўся ў Львове](https://i.c97.org/ai/604502/aux-head-1722103183-20240326_OpenHarwarezwei_360.jpg)
Са слоў жанчыны, ён добра ведаў горад.
Падазроны ў забойстве мовазнаўцы і экс-нардэпа Ірыны Фарыён Вячаслаў Зінчанка добра ведаў Львоў і арыентаваўся, колькі камер відэаназірання размешчана на яго вуліцах.
Пра гэта распавяла маці падазраванага Алена Зінчанка ў інтэрв'ю «Слідство.Інфо». З яе слоў, мінулай вясной хлопец вучыўся ў акадэміі «Dronarium» у Львове на аператара БПЛА. Алена кажа, што таму сын «добра ведае горад і тое, як шмат там камер назірання».
«Летась, у яго там зʼявілася нямала новых сяброў, прыехаў вясёлы і натхнёны. І калі ён зноў ездзіў у Львоў, хаця казаў спачатку, што будзе ў Цярнопалі, разумела, што едзе да сяброў. Я не валодаю інфармацыяй аб гэтых людзях», – сказала маці.
Алена дадае, што сын хацеў ісці на вайну, каб бараніць краіну разам з бацькам. Планаваў пасля вяртання з Львова пайсці на курсы кіроўцаў.