Беларуская наезніца, якая выступае за Польшчу, зноў не паедзе на Алімпіяду

Стала вядома, што здарылася.

Вольга Сафронава, якая пасля ад'езду з Беларусі выступае за Польшчу, прапусціць Гульні ў Парыжы. Пра гэта спартоўка сказала ў каментары «Люстэрку».

Як вядома, у сярэдзіне чэрвеня я выканала кваліфікацыйныя патрабаванні для ўдзелу ў Алімпійскіх гульнях. Першапачаткова меркавалася, што ў Францыю адправяцца шэсць пар, якія адабраліся, а ўжо на месцы стануць вядомыя тры пары для выступленняў. Але мне сказалі, што я не еду. Насамрэч гэта доўгая гісторыя, удавацца ў якую сёння няма жадання. Калі сцісла, то растлумачылі трэнерскай пастановай. Так, з канямі можа здарыцца ўсялякае, ёсць рызыкі пры транспартаванні, павінны быць і запасныя, але вось прынята такое рашэнне. Маўляў, апроч правіл, існуе і трэнерская інтуіцыя. Я вынесла ўрок з гэтай сітуацыі… Не факт, што спаборнічала б, але ж патрапіла ў пашыраны склад і ўжо настроілася на паездку на Алімпіяду. Як бы там ні было, я збіраюся працягваць выступы і прыкладу ўсе сілы, каб апынуцца на наступных Гульнях», – распавяла Сафронава.

Гэта другая Алімпіяда, якую прапусціць спартоўка. Нагадаем, двухразовая чэмпіёнка Беларусі (2020, 2021), фіналістка Кубка свету – 2019 Вольга Сафронава заваявала ліцэнзію на ОІ-2020 у Токіа, але яе не пусцілі на Гульні, спаслаўшыся на заключэнне ветэрынарнай камісіі. Маўляў, Сандра дэ Амар (мянушка каня) кульгае, хоць дыягназу ў заключэнні, са слоў Вольгі, якая спецыялізуецца ў выездцы, не было.

Неўзабаве беларуска, якая падпісала ліст за новыя выбары і супраць гвалту пасля жніўня-2020, зʼехала жыць у Польшчу. Каб пачаць спаборнічаць за гэтую краіну, Сафронавай прыйшлося адбываць двухгадовы каранцін. У 2023 годзе яна стала срэбнай медалісткай чэмпіянату Польшчы – гэта быў яе першы медаль пад сцягам новай краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com