Колькасць аварый «Суперджэтаў» у Расеі падскочыла на 115%

Пасля ўвядзення санкцый Захаду супраць расейскай авіяцыі.

Колькасць авіяцыйных здарэнняў з удзелам Superjet у Расеі павялічылася больш як удвая за апошнія два гады, паведамляе профільны тэлеграм-канал Aviaincident.

Згодна з яго падлікамі, у 2021 годзе «Суперджэты» ламаліся не менш за 134 разоў, у 2022-м – 181, у 2023 годзе – 289 (у параўнанні з 2021 годам рост склаў 115%). Пры гэтым у гэтую статыстыку не ўваходзяць інцыдэнты, выкліканыя вонкавымі фактарамі, напрыклад, сутыкненнямі з птушкамі.

Часцей за ўсё за згаданы перыяд у Superjet ламаліся рухавікі і шасі. «Superjet першага пакалення (Sukhoi Superjet 100. – ТМТ), які цяпер і лётае ў нашых авіякампаніях, яшчэ неімпартназамешчаны. Ён амаль на 100% складаецца з імпартных камплектуючых, якія не вырабляюцца на тэрыторыі Расеі. А гэта значыць, што з пункту гледжання тэхнічнага абслугоўвання і забеспячэнні склада запчастак. Superjet, Boeing, Airbus усё гэта іншамаркі. Вядома, ва ўмовах татальных санкцый здабываць запчасткі нам даводзіцца па так званым паралельным імпарце», – растлумачыў у эфіры «Коммерсанта» галоўны рэдактар парталу Avia.ru Раман Гусараў.

Усе пералічаныя самалёты, уключаючы SSJ-100, збіраюцца з камплектуючых, якія вырабляюцца «па ўсім свеце», адзначыў спецыяліст: «Цяпер на Superjet, як і на Boeing, на Airbus, усталёўваюцца ўсё тыя ж самыя запчасткі, ад тых жа вытворцаў».

Расейскі авіяпрам сутыкнуўся з сур'ёзнымі цяжкасцямі пасля ўвядзення санкцый супраць РФ праз развязаную Масквой вайну ва Украіне. Санкцыі істотна абмежавалі доступ да замежных камплектуючых і тэхналогій, што ўскладніла вытворчасць і абслугоўванне самалётаў.

Асабліва моцна абмежаванні ўдарылі па праекце Sukhoi Superjet 100. Гэты лайнер быў распрацаваны з выкарыстаннем вялікай колькасці імпартных кампанентаў і пасля ўведзеных санкцый ён адчувае сурʼёзны недахоп ключавых дэталяў. Абмежавальныя захады на пастаўкі з краін Еўропы і ЗША прымусілі расейскіх вытворцаў шукаць альтэрнатыўныя крыніцы камплектуючых, што запатрабавала часу і значных фінансавых укладанняў.

За абслугоўванне, праектаванне і выраб дэталяў для рухавікоў SaM-146, усталяваных на «Суперджэтах», адказвала французская кампанія Safran, якая ў сакавіку 2022 года выйшла з сумеснага прадпрыемства з ОДК Powerjet і спыніла падтрымліваць працу агрэгатаў. Расейскія вытворцы так і не змаглі «імпартазамясціць» рухавік. У жніўні мінулага года Мінпрамгандаль паказаў першы палёт SJ-100 з айчыннымі кампанентамі. Адзначалася, што ў самалёце замянілі амаль 40 сістэм і агрэгатаў, уключаючы авіёніку, шасі і сістэму электразабеспячэння, аднак рухавік застаўся франка-расейскім.

Санкцыі таксама паўплывалі на абслугоўванне і рамонт самалётаў, якія ўжо эксплуатуюцца: авіяцыйныя кампаніі сутыкаюцца з дэфіцытам запасных частак і абсталявання для падтрымання сваіх паветраных суднаў у працоўным стане. Гэта прыводзіць да павелічэння прастояў і зніжэння эксплуатацыйнай гатоўнасці флоту.

12 ліпеня самалёт Sukhoi Superjet 100 разбіўся каля вёскі Апраксіна ў Каломенскім раёне Падмаскоўя. Лайнер «Газпром-Авія» рабіў тэставы палёт пасля планавага рамонту з пляцоўкі Лухавіцкага авіяцыйнага завода ў аэрапорт «Унукава». Паветранае судна ўпала на тэрыторыю лесу і ўзарвалася. На борце ў момант інцыдэнту знаходзіліся тры сябры экіпажа, усе яны загінулі. Перад падзеннем лайнер падаў сігнал бедства. Паводле факта здарэння была распачатая крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com