Прэзідэнт Фінляндыі: Кітай можа завяршыць вайну ва Украіне адным званком

Гэта стане ўнікальным шанцам для Пекіна.

Кітай можа пакласці канец вайне Расеі супраць Украіны адным тэлефонным званком на вышэйшым узроўні.

Як паведамляе Bloomberg, пра гэта заявіў прэзідэнт Фінляндыі Аляксандр Стуб. З ягоных слоў, Расея зараз вельмі залежыць ад Кітая.

«Адзін тэлефонны званок прэзідэнта Сі Цзіньпіна развязаў бы гэты крызіс (вайну ва Украіне – рэд.)», – сказаў Стуб.

Каментары Стуба адлюстроўваюць рост расчаравання сярод хаўруснікаў Украіны што да падтрымкі Кітаем вайсковых намаганняў Расеі. Яны абвінавачваюць Пекін у тым, што ён дае Крамлю тэхналогіі і запчасткі для зброі і дапамагае Маскве абысці міжнародныя гандлёвыя абмежаванні.

«Калі б ён (Сі Цзіньпін – рэд.) сказаў: «Час пачынаць мірныя перамовы», Расея была б змушаная гэта зрабіць. У іх не было б іншага выбару», – сказаў Стуб.

Таксама прэзідэнт Фінляндыі падкрэсліў, што Кітай выйграе ад спынення «агрэсіўнай і каланіяльнай вайны» Пуціна ва Украіне.

«Кітаю неабходна абараняць міжнародныя правы, звязаныя з тэрытарыяльнай цэласнасцю і суверэнітэтам. Гэта правільна. І гэта таксама прадэманстравала б лідарства Кітая», – сказаў ён.

«Цяпер не можа быць і гаворкі пра тое, каб настойваць на спыненні агню, патрэбны сапраўдныя мірныя перамовы. Адзінае, што разумее Расея, – гэта сіла. І таму, чым больш мы зараз зможам дапамагчы Украіне, тым хутчэй скончым вайну», – дадаў ён.

Стуб таксама заклікаў Еўропу ўзмацніць сваю падтрымку Украіне, а таксама нарошчваць свой уласны абаронны патэнцыял у традыцыйным войску, а таксама супраць гібрыднай вайны Расеі. Са слоў Стуба, Украіне патрэбна як матэрыяльная дапамога, якая ўключае фінансавую дапамогу, так і палітычная падтрымка, між іншым пракладанне шляху да сяброўства як у ЕЗ, так і ў NATO.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com