BILD: РФ шукае мёртвых дзяцей па ўсім свеце

Нямецкі журналіст расказаў, для чаго.

Расейскія ўлады шукаюць па ўсім свеце мёртвых дзяцей, каб выкрасці іх асобы для сваіх агентаў.

Аб гэтым піша нямецкае выданне BILD. Журналіст выдання нагадаў, што ў 2013 годзе ў Нямеччыне судзілі, а затым экстрадавалі ў РФ двух расейскіх агентаў, якія доўга жылі ў краіне пад фальшывымі імёнамі Андрэас і Хайдрун Аншлаг, паказваючы сямейную пару. Нават іх дачка не ведала, што бацькі - шпіёны Крамля з 1980-х гадоў.

«Гэтыя людзі жывуць побач з намі цэлыя дзесяцігоддзі з цалкам фальшывай ідэнтычнасцю. Часам яны ствараюць сем'і, дзе нават дзеці не ведаюць сапраўднага жыцця бацькоў. Не ведаюць, што яны расейскія шпіёны. Такія агенты - асаблівасць у першую чаргу Расеі. Яны робяць гэта ўжо больш за 100 гадоў», - распавёў аўтар расследавання аб сям'і Аншлаг і ўсёй сістэме расейскай таемнай агентуры ў Нямеччыне Фларыян Фадзе.

Ён адзначыў, што асаблівасць у тым, што такіх людзей пасылаюць у патрэбную краіну з цалкам сфальсіфікаванай асобай. Часам яе ствараюць на аснове рэальных людзей, якія памерлі.

«Такія людзі сапраўды былі, а потым іх асобу запазычвалі. У асноўным гэта былі дзеці. Расейскія, а раней савецкія дыпламаты працавалі па ўсім свеце, у тым ліку ў Паўднёвай Амерыцы і Афрыцы. Там яны гулялі па могілках і шукалі памерлых дзяцей, перапісвалі іх імя і дату нараджэння. Менавіта дзяцей, бо пра іх мала вядома і можна хутка пераняць іхную асобу. Потым яны падраблялі пасведчанні аб нараджэнні ў тых краінах. Асобы тых дзяцей кралі, стваралі на іх аснове новыя і рассылалі шпіёнаў», - дэталізаваў Фадзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com