Рэжым Лукашэнкі асуджаны на правал

Давайце адкрыем падручнік гісторыі.

Паводле версіі Лукашэнкі, «Вялікая Айчынная - гэта апафеоз тысячагадовай гісторыі войнаў і бітваў заходняй і ўсходняй цывілізацый». Дарэчы, старажытнагрэцкае слова тут ужытае няслушна. Апафеоз азначае абагаўленне, услаўленне, што наўрад ці дастасавальна ў гэтым выпадку, піша «Салiдарнасць».

Хутчэй за ўсё, Лукашэнка пераблытаў апафеоз з апагеем - найвышэйшай ступенню праявы чагосьці. Але гэта памылка даравальная ў адрозненне ад іншых.

“Беларусь памятае. Памятае і ўнёсак у Перамогу краін-удзельніц антыгітлераўскай кааліцыі, - заявіў дыктатар. А праз хвіліну зняпраўдзіў сам сябе: «Не стамлюся нагадваць, што супраць Савецкага Саюза ваявала ўся Еўропа».

Што ж, давайце адкрыем падручнік гісторыі. Такім чынам, хто з краін Захаду ўваходзіў у склад антыгітлераўскай кааліцыі (у алфавітным парадку): Аўстралія, Бельгія, Вялікая Брытанія, Грэцыя, Данія, Канада, Люксембург, Нідэрланды, Нарвегія, Польшча, СССР, ЗША, Францыя, Чэхаславаччына, Югаславія.

Ім супрацьстаялі Нямеччына, Італія, Фінляндыя і Японія. Затым у «вось: Берлін-Рым» дадалі захопленыя гітлераўцамі Балгарыю, Вугоршчыну і Румынію. Аднак ці наўрад можна казаць аб паўнавартасным і тым больш добраахвотным удзеле гэтых дзяржаў у вайне: імі кіравалі марыянетачныя акупацыйныя ўлады.

Для паўнаты карціны дадамо, што сатэлітамі і хаўруснікамі краін «восі» ўважаюцца Албанскае каралеўства, Каралеўства Чарнагорыя, Незалежная дзяржава Харватыя і Першая Славацкая рэспубліка. Усе гэтыя ўтварэнні былі створаныя на ініцыятыву інтэрвентаў у 1939-1941 гадах і скончылі сваё існаванне яшчэ да заканчэння другой сусветнай.

На ўсю Еўропу не цягне ніяк, ці не так?

Ах так, зусім забыўся. Нефармальным, але цалкам фактычным хаўруснікам Нямеччыны з'яўляўся СССР - да 22 чэрвеня 1941-га. Ён перакінуўся ў антыгітлераўскую кааліцыю толькі пасля таго, як сам зазнаў агрэсію. А раней…

Можна нагадаць таксама пра супольны парад савецкіх і гітлераўскіх войск у Берасці і шматлікае іншае, якое адбывалася ў той час, калі Вялікая Брытанія, Францыя і іншыя краіны Захаду ўжо абвясцілі вайну нацызму.

Цяпер Лукашэнка заяўляе: «Што сёння рэальна аб'ядноўвае калектыўны Захад? Прага нажывы за чужы кошт. І генетычная нянавісць да пераможцаў, да нас».

Наіўная спроба выкрасліць Захад са спісу пераможцаў у другой сусветнай і перавесці яго ў разрад хаўруснікаў Гітлера - не вынаходства Лукашэнкі. Гэта наратыў, які крамлёўская прапаганда спрабуе прасоўваць апошнія гадоў дзесяць.

Але перапісванне гісторыі, якім займаюцца цяперашнія кіраўнікі Расеі і Беларусі, асуджанае на правал. Як і рэжымы, якія па сваёй сутнасці з'яўляюцца духоўнымі спадкаемцамі таталітарнага гітлераўскага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com