Некаторыя банкі ўвялі змены ў картках

Кліентам яны павінны спадабацца.

Кліенты некаторых банкаў атрымалі доступ да новай сістэмы блакавання картак. Пра гэта паведамляецца на сайце Банкаўскага працэсінгавага цэнтра.

З 28 чэрвеня гэтага года кліенты некаторых банкаў атрымалі доступ да аператыўнага блакавання банкаўскай плацежнай карткі з дапамогай аўтаматызаванай сістэмы Interactive Voice Response (IVR). Гэтая сістэма працуе з картамі «Беларусбанка», «Белаграпрамбанка», «Парытэтбанка», «БСБ Банка», «Банка Рашэнне», «БТА Банка» і «Цэптэр Банка».

Цяпер кліенты могуць патэлефанаваць на нумар тэлефона +375172992526 з нумара, які яны пазначалі ў анкеце пры афармленні карты. Пасля гэтага трэба будзе ўвесці апошнія 4 лічбы нумара карткі – і яна будзе заблакаваная.

«У выпадку няўдалай аўтэнтыфікацыі, а менавіта: няправільна ўведзеных 4-х апошніх лічбаў нумара карткі, пры заканчэнні тэрміну дзеяння карткі, блакаванні з прычыны няслушнага набору ПІН-кода або знаходжання ў “гарачым” стоп-спісе, IVR злучыць трымальніка са спецыялістам службы сэрвісу кліентаў», – гаворыцца ў паведамленні.

Раней сістэма працавала толькі праз банкаўскіх кансультантаў, якія адказвалі на званкі і правяралі звесткі кліента (уключаючы таемнае слова, тэлефон) перад тым, як заблакаваць карту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com