Алімпійская чэмпіёнка з Беларусі абвясціла пра заканчэнні кар'еры

Біятланістка трымае ў таямніцы свае планы на будучыню.

Ірына Лешчанка развітваецца са спортам. Пра заканчэнне кар'еры яна абвясціла на мерапрыемстве, прысвечаным падвядзенню вынікаў мінулага сезона.

Пра тое, што алімпійская чэмпіёнка збіраецца «завязаць» з біятлонам, стала зразумела яшчэ зімой. Ірына прапусціла некалькі важных стартаў, тлумачачы гэта тым, што ў яе адсутнічае матывацыя.

Лешчанка не паведаміла, чым збіраецца займацца далей. Але відавочна, што больш часу яна цяпер стане аддаваць сваёй дачцэ, якой яшчэ няма і двух гадоў.

Ірына Крыўко (у дзявоцтве) нарадзілася і вырасла ў Віцебскай вобласці. Яна ўваходзіла ў склад эстафетнай чацвёркі, якая на Алімпіядзе ў 2018 годзе заваявала залатыя медалі.

Цяпер Ірыне 32 гады.

Яе муж, Арцём Лешчанка, таксама займаўся біятлонам. Сёння ён трэнер каманды Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com