Польшча абвясціла дзве вайсковыя аперацыі на мяжы з Беларуссю і ў паветранай прасторы

Аперацыі з'яўляюцца адказам на пагрозы, выкліканыя ў тым ліку міграцыйным ціскам з боку рэжыму Лукашэнкі.

З 1 жніўня Узброеныя сілы Польшчы пачынаюць дзве аперацыі, накіраваныя на ўмацаванне нацыянальнай бяспекі на ўсходняй мяжы краіны. Пра гэта гаворыцца ў паведамленні УС Польшчы ў сацыяльнай сетцы X (Twitter).

Польскія вайскоўцы паведамілі, што аперацыі “Бяспечнае Падляшша” і “Усходняя Аўрора” – адказ на пагрозы, выкліканыя міграцыйным ціскам з боку беларускага рэжыму і ваеннай агрэсіяй Расеі супраць Украіны, якія суправаджаюцца паветранымі атакамі на яе заходнія рэгіёны.

Абедзве аперацыі маюць вызначальнае значэнне для ўмацавання нацыянальнай бяспекі і эфектыўнага стрымлівання. Аперацыя «Бяспечнае Падляшша» забяспечыць эфектыўную абарону ад нелегальнай міграцыі, а аперацыя «Усходняя Аўрора» павялічыць аператыўную здольнасць супраць пагроз бяспекі паветранай прасторы Польшчы, гаворыцца ў паведамленні.

Міністр абароны Польшчы Уладзіслаў Касіняк-Камыш, словы якога прыводзіць выданне RMF24, заявіў, што парушэнне паветранай прасторы Польшчы стала міжнароднай тэмай.

«Я сказаў гэта на саміце NATO, сустракаючыся з міністрамі абароны іншых краін нашых хаўруснікаў. Я заўсёды падкрэсліваю, што сярод чальцоў Альянсу Польшча больш за ўсё зазнае розныя тыпы падзей, наўмысных або выпадковых, але заўсёды небяспечных для Рэспублікі Польшча і NATO», - падкрэсліў кіраўнік абароннага ведамства.

Касіняк-Камыш адзначыў, што аперацыя «Усходняя Аўрора» ахопіць тэрыторыю ўсходняй і паўночна-ўсходняй Польшчы. Яна будзе ўключаць у сябе сталы маніторынг паветранай прасторы, рэагаванне на выяўленыя парушэнні, супрацоўніцтва з хаўруснікамі і вучэнні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com