СМІ: Расейскія шпіёны стануць часткай абмену палоннымі паміж РФ, ЗША, Нямеччынай і Беларуссю
3- 31.07.2024, 19:19
- 7,134
![СМІ: Расейскія шпіёны стануць часткай абмену палоннымі паміж РФ, ЗША, Нямеччынай і Беларуссю](https://i.c97.org/ai/605017/aux-head-1722442784-20240101_ramp_360.jpg)
Абмен можа адбыцца ў найбліжэйшыя гадзіны.
Двое расейскіх нелегалаў у Славеніі, затрыманыя ў канцы 2022 года, прызналі сябе вінаватымі ў шпіянажы на Расею. На падставе прызнання віны акруговы суд у Любляне ў сераду, 31 ліпеня, прыгаварыў падсудных, якія прадставіліся Людвігам Гішам і Марыяй Розай Маер Муньяс, да 1 года і 7 месяцаў пазбаўлення волі.
Пры гэтым асуджаныя ўжо адбылі назначаны ім тэрмін пакарання ў папярэднім зняволенні. Суд таксама пастанавіў выправадзіць іх з краіны.
У паведамленні суда гаворыцца, што ў іх канфіскаваныя «прадметы, выкарыстаныя і прызначаныя для ўчынення злачынства», а таксама грашовыя сродкі.
Паводле звестак тэлеканала N1, расейскія шпіёны стануць часткай маштабнага абмену палоннымі, які, як чакаецца, адбудзецца ў найбліжэйшыя гадзіны паміж Расеяй, ЗША, Нямеччынай, Беларуссю і некаторымі іншымі краінамі.
Ekskluzivno: trenutek, ko sta ruska vohuna zapustila sodišče v Ljubljani
— N1 Slovenija (@n1slovenija) July 31, 2024
🔗 https://t.co/lnm8v0lbT3
⬇️ Posnetek na povezavi ⬇️