Кітайскі хірург праапераваў пацыентку з адлегласці 5000 кіламетраў
2- 31.07.2024, 21:06
- 3,748
![Кітайскі хірург праапераваў пацыентку з адлегласці 5000 кіламетраў](https://i.c97.org/ai/605029/aux-head-1722449141-20240101_ramp_360.jpg)
Ён выканаў аперацыю выдалення пухліны з лёгкага.
Кітайскі хірург выканаў аперацыю выдалення пухліны з лёгкага на адлегласці пяць тысячаў кіламетраў ад пацыенткі. Як у яго гэта атрымалася, піша партал shine.cn..
Доктар Ло Цінцюань з Шанхайскай лякарні правёў дыстанцыйную аперацыю з выкарыстаннем хірургічнага робата.
У момант хірургічнага ўмяшання пацыентка ляжала ў аперацыйнай у гарадскім павеце Кашгар (Сіньцзян-Уйгурскі аўтаномны раён), на адлегласці пяць тысячаў кіламетраў ад лекара. Аперацыя доўжылася блізу гадзіны.
«Поспех гэтай аперацыі з'яўляецца важнай вяхой у дэманстрацыі клінічных магчымасцяў хірургічнага робата айчыннай вытворчасці, які можа прынесці больш карысці пацыентам, асабліва ў аддаленых і сельскіх рэгіёнах», – сказаў Ло Цінцюань.
wow!
— Bad AI (@Bad_AI_) July 30, 2024
now even surgeries are done remotely—a surgeon in china removed a tumor from a patient's lung while being 5000 km away.
the surgeon was in his office in shanghai, controlling the equipment from there, while the patient was in kashgar, on the other side of the country.… pic.twitter.com/2qMLBVp1yX
Адзначаецца, што лякарня ў Шанхаі з'яўляецца першай у краіне медыцынскай установай, якая праводзіць рабатызаваныя аперацыі на грудной клетцы, а таксама тут праводзіцца найбольшая колькасць такіх аперацый у краіне.
Апроч правядзення рабатызаванай хірургіі, лякарня актыўна ўдзельнічае ў даследаваннях і распрацоўках рабатызаваных тэхналогій.