Жыхар Баранавічаў пайшоў купацца, а вынырнуў з гаманцом суседа

Як так атрымалася?

У Баранавічах мужчына пайшоў купацца на вадасховішчы, а ныраючы, выпадкова знайшоў на дне скрадзены гаманец суседа. Падрабязнасці ў Баранавіцкім міжраённым аддзеле Следчага камітэта расказалі газеце «Наш край».

Так, баранавічанін заявіў у міліцыю, што выпадкова забыўся партманэ з буйной сумай ля пад'езда дома, а калі вярнуўся, яго не знайшоў. Але на наступны дзень пасля крадзяжу мужчыну патэлефанаваў ягоны сусед і сказаў, што купаўся на вадасховішчы Мышанка і, ныраючы, знайшоў гаманец. Унутры партманеткі былі правы кіроўцы знаёмага, якога ён пазнаў з фота.

Высветлілася, што забыты каля пад'езда гаманец забралі двое мінакоў. Маладыя людзі забралі 1100 беларускіх рублёў, 300 еўраў і 33 даляры і на таксі паехалі на вадасховішча. Пустое партманэ ўтапілі, а грошы некалькі дзён марнавалі ў гарадскіх барах, перасоўваючыся на таксі.

Зладзеяў вызначылі з камераў вонкавага відэаназірання. Адзін з іх раней ужо быў асуджаны за крадзеж, прычым судзімасць гэтая яшчэ не знятая і не пагашаная.

Фігурант раскаяўся, справа перададзеная пракурору для накіравання ў суд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com