На Курскай АЭС пачалася паніка
11- 10.08.2024, 11:24
- 17,616
УСУ знаходзяцца ўжо за 30 км ад аб'екта.
Размешчаную ў горадзе Курчатаў Курскую атамную электрастанцыю (АЭС) пачалі рыхтаваць да адбіцця атакі Узброеных сілаў Украіны (УСУ). Крыніцы выдання «Блокнот» паведамілі, што днём 9 жніўня расейскія ўлады перакрылі ўсе пад'езды да аб'екта.
Адначасова «Расатам» абвясціў пра часовае скарачэнне колькасці персаналу на будаўніцтве Курскай АЭС-2. Дзяржкарпарацыя растлумачыла гэтую пастанову ўвядзеннем у Курскай вобласці рэжыму НС федэральнага ўзроўню.
«Спецыялісты, якія засталіся на будпляцоўцы, вядуць працы ў адпаведнасці з графікам. Усе сістэмы, якія забяспечваюць ход збудавання энэргаблокаў, працуюць штатна», – дадалі ў «Расатаме».
Між тым крыніцы «Блокнота» сцвярджаюць, што «на будаўніцтве блокаў атамнай станцыі ўсё абясточана, будаўнікі пакінулі аб'ект».
Курская АЭС, якая ўваходзіць у тройку найбуйнейшых атамных станцый у Расеі, сілкуе энэргіяй 19 рэгіёнаў Цэнтральнай федэральнай акругі. Яна размешчаная прыкладна за 85 кіламетраў ад горада Суджа, у раёне якога расейскае войска цяпер змагаецца з падраздзяленнямі УСУ.
Баявыя дзеянні ідуць ужо за некалькі дзясяткаў кіламетраў ад Курчатава, абстаноўка застаецца напружанай.
Паводле звестак z-каналаў, украінскія сілы знаходзяцца ў раёне вёскі Кромскія Быкі, прыкладна за 30 кіламетраў ад АЭС. За 15 кіламетраў ад яе праходзіць траса Курск – Льгоў – Рыльск, кантроль над якой дазволіць УСУ «рухацца на ўсход у бок Курчатава», піша «Ваенны інфарматар».
Паводле словаў праваеннага блогера Alex Parker, Курская АЭС сапраўды рыхтуецца да абароны, паколькі мабільныя групы УСУ на 5–20 чалавек ужо былі заўважаныя ў Шагарава, за 39 кіламетраў па трасе ад аб'екта.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
