Лукашэнка накіраваў «Паланэзы» і «Іскандэры» да мяжы з Украінай

Нарошчваецца ваенная групоўка на Гомельскім і Мазырскім кірунках.

Дыктатар Лукашэнка «аддаў указанні на ўзмацненне групоўкі войскаў на Гомельскім і Мазырскім тактычных кірунках», заявіў міністр абароны Віктар Хрэнін на брыфінгу 10 жніўня.

«Воінскія часці сілаў спецыяльных аперацый, сухапутных войскаў, ракетных войскаў, у тым ліку рэактыўныя сістэмы "Паланэз" і комплексы "Іскандэр", атрымалі задачы на здзяйсненне маршаў у прызначаныя раёны», – цытуе чыноўніка прэс-служба Мінабароны.

Паводле ягоных словаў, напярэдадні вартавыя сілы СПА выявілі «неапазнаныя паветраныя аб'екты, якія рухаліся з тэрыторыі Украіны ў кірунку Рэспублікі Беларусь».

«У мэтах своечасовага спынення магчымага парушэння дзяржаўнай мяжы ў паветранай прасторы Рэспублікі Беларусь у вызначаныя тэрміны былі прыведзеныя ў гатоўнасць № 1 прызначаныя сілы і сродкі. Пасля перасячэння дзяржмяжы паветраныя цэлі былі класіфікаваныя як беспілотныя лётныя апараты і аддадзеная каманда на іх знішчэнне», – заявіў Хрэнін.

Раней Лукашэнка заявіў, што ў 18:10 9 жніўня «сілы ВПС і войскаў СПА Беларусі былі пераведзеныя ў павышаную баявую гатоўнасць», паколькі Узброеныя сілы Украіны нібыта «парушылі ўсялякія дамоўленасці, усялякія правілы паводзінаў і парушылі паветраную прастору» Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com