Беларускія спартоўцы ўстанавілі антырэкорд у Парыжы

У колькасці медалёў на летніх Алімпіядах.

На Гульнях-2024 нашыя атлеты здабылі чатыры ўзнагароды, піша zerkalo.io. Нагадаем, усяго ў Парыж для выступу ў нейтральным статусе (гэта значыць, без гімна, сцяга і любога пазначэння нацыянальнай прыналежнасці) прыехалі 17 атлетаў з беларускім пашпартам. Яны чатыры разы патрапілі на пастамент.

У скачках на батуце атрымаў золата Іван Літвіновіч, а Віялета Бардзілоўская была другой. Таксама срэбра заваяваў прадстаўнік акадэмічнага веславання Яўген Залаты. Акрамя таго, цяжкаатлет Яўген Ціханцоў стаў бронзавым прызёрам у катэгорыі да 102 кг.

Да гэтага антырэкорднымі для Беларусі з моманту пачатку выступу асобнай камандай былі летнія Гульні ў Токіа. У 2021-м спартоўцы здабылі сем медалёў: залаты, тры срэбныя і тры бронзавыя. Але ніколі раней наша прадстаўніцтва не было такім малалікім, як у Парыжы. Тры гады таму ў японскай сталіцы ўдзельнічалі 105 спартоўцаў, а на папярэдніх АГ яшчэ больш – ад 124 да 177.

У афіцыйным медальным заліку Алімпіяды 2024 года вынікі нейтральных спартоўцаў не браліся да ўвагі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com