Танны спектакль

Барыс Грызлоў застаўся без ноты.

Некалькі слоў аб выбарчым гневе беларускага МЗС.

Давайце на хвіліну паверым у тое, што «беспілотнікі, якія ляцелі з Украіны» былі насамрэч. Што гэта не плод нечай не вельмі здаровай фантазіі.

Уявіць такое не складана, калі ўлічыць той факт, што вайна ў суседняй краіне ідзе ўжо трэці год. І што наша краіна ў гэтай вайне - суўдзельніца агрэсара, адзіная яго вайскова-палітычная хаўрусніца.

Можна ўзгадаць небеспадстаўныя падазрэнні аб тым, што ўкраінскія дроны і раней «зразалі куты» над тэрыторыяй Беларусі па шляху да Ленінградскай і Пскоўскай абласцей Расеі. Не кажучы ўжо пра нядаўнюю гісторыю з залётамі да нас расейскіх «шахедаў».

Дарэчы, у тым выпадку беларускае МЗС не палічыла патрэбным зладзіць пяціхвілінку праведнага гневу на адрас Масквы, Барыс Грызлоў застаўся без ноты.

Хоць, вядома, зладжаны Лукашэнкам і яго дыпламатыяй танны спектакль больш падобны на спробу захаваць твар на фоне абвінавачванняў, якія ляцяць з Расеі. Маўляў, адвёў войскі дык адвёў.

Судзячы па першых рэакцыях на заявы з Менска, у іх сур'ёзнасць паверылі не многія. Ды і як паверыць таму, хто рэгулярна перамагае ўяўнага ворага, ганяючы сваіх вайскоўцаў да мяжы і назад.

Але для беларусаў гэта слабое суцяшэнне. Бо пагроза разарваць дыпламатычныя стасункі з Украінай, калі яна адбудзецца, можа стаць пралогам да самых сумных падзей.

А тым, хто зараз вінаваціць Украіну ў «злачынных дзеяннях», варта ўспомніць, з чаго ўсё пачалося - з рэальных, а не ўяўных ракет, якія паляцелі ў лютым 2022-га з Беларусі па ўкраінскіх гарадах.

Кірыл Іваноў, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com