Афіцэр 59-й брыгады УСУ: Акупанты ашалелі

Як паўплываў на ўкраінскі фронт прарыў у Курскай вобласці.

Пасля таго, як узброеныя людзі прарвалі мяжу ў Курскай вобласці і занялі шэраг населеных пунктаў РФ, на Пакроўскім і Курахаўскім кірунках войска краіны-агрэсаркі Расеі нарасціла спробы прарваць абарону УСУ.

Пра гэта ў эфіры «Кіеў24» распавёў афіцэр 59-й асобнай мотапяхотнай брыгады ім. Якава Гандзюка Сяргей Цэхоцкі. З яго слоў, канцэнтрацыя сіл і сродкаў ворага на гэтых кірунках вялікая яшчэ з красавіка, аднак за апошнія дні акупанты пачалі кідаць у бой максімум рэсурсаў, каб дабіцца поспеху. Цяпер ім гэта не ўдалося.

«На фоне гэтых сёлетніх падзей у Курскай «народнай рэспубліцы» ў ворага актывізавалася нейкая хвароба. Расейцы максімальна ўсё, што ў іх ёсць у наяўнасці, пачалі выкарыстоўваць на полі бою, у вельмі вялікай колькасці. Таму сітуацыю характарызуем як вельмі напружаную. Але пры гэтым яна ўсё ж кантралюецца камандаваннем Узброеных сіл Украіны», - адзначыў вайсковец.

Украінскія вайскоўцы фіксуюць і павелічэнне колькасці скідаў з БПЛА. Змагацца з гэтым дапамагаюць УСУ сродкі РЭБ і дроны. Цэхоцкі таксама расказаў, што на кірунку, дзе знаходзіцца яго брыгада, учора праціўнік учыніў спробу пяхотнага штурму.

«Праз поле кірунку пайшлі расейцы, як Чапаеў...У нас праз гэта вячэру перанеслі на пазней, бо ўсе задзейнічаныя былі, таму што трэба ж кожнага высачыць, «адправіць білет», «аформіць месца» і гэтак далей», - сказаў ён.

Украінскі вайсковец мяркуе, што зараз дыктатар Пуцін не ведае, што рабіць і таму пачынаецца яшчэ большы разлад і паніка ў войску РФ. Нягледзячы на гэта, не варта недаацэньваць супраціўніка - на Пакроўскім і Курахаўскім кірунках варожая групоўка небяспечная і добра абсталяваная.

«Трэба разумець, што яны як загнаны пацук, якому губляць няма чаго. А гэтаму трэба заўсёды надаваць больш увагі. Таму нашае камандаванне зараз робіць усё, каб ініцыятыву з іх рук выбіць», - падсумаваў афіцэр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com