France24 даведалася верагодную мэту аперацыі ў Курскай вобласці

У аперацыі ўдзельнічаюць тысячы вайскоўцаў.

Мэтай аперацыі ўкраінскіх вайскоўцаў у Курскай вобласці з'яўляецца дэстабілізацыя сітуацыі ў Расеі. Пры гэтым анэксаваць рэгіён УСУ не збіраюцца.

Пра гэта паведамляе France24.

«Мы ідзем у наступ. Мэта – расцягнуць пазіцыі ворага, нанесці максімальныя страты і дэстабілізаваць сітуацыю ў Расеі, паколькі яны не ў стане абараніць сваю мяжу», – сказаў выданню высокапастаўлены вайсковы чыноўнік на ўмовах ананімнасці, дадаўшы, што ў аперацыі ўдзельнічае «нашмат» больш «ўкраінскіх вайскоўцаў, чым тысяча», пра якую заяўлялі ў РФ, гаворка ідзе пра «тысячы».

Суразмоўца France24 сказаў, што ўкраінскія войскі будуць выконваць міжнароднае гуманітарнае права, знаходзячыся на тэрыторыі Расеі, і не плануюць анэксаваць тэрыторыі, якія яны цяпер кантралююць.

«Няма ніякай ідэі анэксіі... Мы дзейнічаем у строгай адпаведнасці з міжнародным правам», – сказаў ён, параўноўваючы гэта з верагоднымі парушэннямі з боку расейскіх войскаў на акупаванай тэрыторыі.

Адказваючы на пытанне, ці быў мэтай захоп Курскай АЭС ля мяжы, ён сказаў наступнае.

«Паглядзім, як будзе развівацца Курская аперацыя. Мы абсалютна не будзем ствараць праблемы для ядзернай бяспекі. Гэта мы можам гарантаваць», – сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com