Мінабароны РФ выдае старыя відэа за ўдары па УСУ ў Курскай вобласці

Акупанты публікуюць відэа з Луганскай і Данецкай абласцей.

Расейскае мінабароны выдае даўнія відэа за нібыта «паспяховыя ўдары» па сілах абароны Украіны ў Курскай вобласці краіны-агрэсаркі РФ. Пра гэта 11 жніўня паведаміў The Insider.

Ягоныя расследавальнікі звярнулі ўвагу на відэа мінабароны РФ, якое 10 жніўня апублікавала расейскае прапагандысцкае агенцтва «РІА Навіны» ў Telegram.

У каментары да відэа гаворыцца, што расейскія гелікаптэры Мі-28НМ нібыта «нанеслі ўдары авіяракетамі С-13 па жывой сіле і бронятэхніцы УСУ ў прымежным раёне Курскай вобласці».

Насамрэч яно было знятае ў Крамянной Луганскай вобласці і ў Часівым Яры Данецкай вобласці, высветлілі расследавальнікі.

Акрамя таго, 9 жніўня мінабароны РФ апублікавала ў Telegram відэаролік пра нібыта новы авіяўдар Су-34 трохтоннай бомбай па «зборы жывой сілы і ваеннай тэхнікі УСУ» ў адным з прымежных раёнаў Сумскай вобласці паблізу Курскай вобласці Расеі.

Аднак, як указаў The Insider, гэтае відэа яшчэ 14 ліпеня публікавала ў Telegram расейскае прапагандысцкае агенцтва ТАСС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com