У Менску будуць судзіць экс-намесніка міністра энэргетыкі

Ён займаў пасаду 18 гадоў.

Суд Ленінскага раёна Менска 20 жніўня пачне разгляд крымінальнай справы супраць экс-намесніка міністра энэргетыкі Міхаіла Міхадзюка, які падазраецца ў карупцыі. Ягонае прозвішча з'явілася ў раскладзе судовых паседжанняў.

Былому высокапастаўленаму чыноўніку ставіцца ў віну атрыманне хабару асабліва буйнога памеру. Санкцыя артыкула – ад 5 да 15 гадоў калоніі.

Разглядаць крымінальную справу будзе суддзя Марыя Запаснік. Вядомая яна тым, што ў сакавіку летась асудзіла да пазбаўлення волі нобелеўскага лаўрэата Алеся Бяляцкага і праваабаронцаў «Вясны» Валянціна Стэфановіча, Уладзіміра Лабковіча і завочна Змітра Салаўёва.

Нагадаем, намеснік міністра энэргетыкі Міхаіл Міхадзюк быў накіраваны ў адстаўку 28 снежня летась.

Ён займаў пасаду намесніка міністра энэргетыкі Беларусі 18 гадоў. Ва ўстанове ён кіраваў працай Дэпартамента ядзернай энэргетыкі, курыраваў дзейнасць Беларускай АЭС, «Белэнэрга», «Белтапгазу» і іншых прадпрыемстваў, якія ўваходзяць у сістэму міністэрства.

Паводле звестак следства, былы намеснік кіраўніка Мінэнэрга атрымліваў хабар за забеспячэнне ўдзелу камерцыйнай кампаніі ў будаўніцтве высакавольтных падстанцый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com