Войска РФ у паніцы: УСУ наступаюць на чатырох кірунках

Аперацыя ў Курскай вобласці заснаваная на канцэпцыі аператыўнай мабільнай групы.

Дырэктар інфармацыйна-кансалтынгавай кампаніі Defense Express Сяргей Згурэц адзначыў, што аперацыя на Куршчыне базуецца на канцэпцыі так званай аператыўнай мабільнай групы.

«Ужо тыдзень, як УСУ праводзяць наступальную аперацыю, якая з'яўляецца вельмі дзейснай. Гэтая аперацыя базуецца на канцэпцыі так званай аператыўнай мабільнай групы. У часы Другой сусветнай вайны такія групы былі адной з эфектыўных наступальных тактык савецкага войска супраць Нямеччыны. Расейскае войска забылася пра гэтую тэорыю, але, як бачым, Сырскі добра ведае гісторыю Другой сусветнай і адаптаваў гэту пастанову да сучасных тэхналагічных дасягненняў», - адзначыў Згурэц у эфіры тэлеканала «Эспрэса».

Са слоў ваеннага экспэрта, за тыдзень баявых дзеянняў украінскае войска забяспечыла кантроль у межах 1000 квадратных кіламетраў над тэрыторыяй РФ.

«Наступальныя дзеянні развіваюцца на чатырох кірунках: два з іх накіраваныя ўглыб тэрыторыі супраціўніка - гэта Льгоў і Курск. Іншыя два кірункі забяспечваюць флангавае пашырэнне плацдарма на захад - гэта Рыльск, дзе працягваюцца баявыя дзеянні паблізу ад Корэнева, і правы фланг, які ахоплівае ўсё, што на ўсход ад Суджы. Гэта значыць адбываецца прасоўванне ў кірунку Курск – Рыльск і пашырэнне флангу на ўсход ад Суджы, а таксама выкарыстанне другога эшалона УСУ, які замацоўваецца на найбольш эфектыўных для абароны ўчастках. Супраціўнік спрабуе падводзіць рэзервы, але гэтыя рэзервы знішчаюцца на подступах», - растлумачыў Згурэц.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com