Bloomberg: Расея можа пачаць новую хвалю мабілізацыі праз высокія страты

І падаць яе як "ратацыю" войскаў.

У расейскім войску назіраецца дэфіцыт салдат, неабходных для вядзення вайны супраць Украіны, што можа прымусіць Расею пачаць новую мабілізацыю, паведамляе Bloomberg са спасылкай на крыніцы.

Суразмоўцы Bloomberg, блізкія да Крамля і Мінабароны РФ, адзначылі, што войска РФ не атрымлівае дастаткова новых салдат, каб «паспяваць» за стратамі на фронце, якія з'яўляюцца самымі высокімі з пачатку ўварвання ў лютым 2022 года. Рэгіянальныя чыноўнікі зараз не могуць выканаць у сярэднім больш за траціну сваіх квот на набор.

Са слоў двух суразмоўцаў, сітуацыя можа прымусіць Расею разгледзець пытанне аб новай мабілізацыі.

Адна з крыніц адзначыла, што афіцыйныя асобы могуць назваць гэта ратацыяй, каб даць адпачыць вайскоўцам на перадавой, а другая сказала, што новая мабілізацыя можа быць абвешчаная ўжо да канца гэтага года.

Адзначаецца, што ўварванне Украіны ў Курскую вобласць РФ, якое не сустрэла значнага супраціву, падкрэсліла выклікі, з якімі сутыкаецца Крэмль у вайне.

Суразмоўца Bloomberg адзначыў, што маштаб расейскіх страт робіць падтрыманне стратэгіі вайны краіны-агрэсара ўсё больш складанай, а пра захоп Кіева і іншых гарадоў гаворка больш не ідзе, паколькі Расея не мае дастатковай колькасці людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com