Байдэн: Гэта стварае сапраўдную дылему для Пуціна
4- 14.08.2024, 9:03
- 9,720
Прэзідэнт ЗША ўпершыню пракаментаваў аперацыю УСУ ў Курскай вобласці.
Прэзідэнт ЗША Джо Байдэн заявіў, што наступ украінскіх вайскоўцаў на тэрыторыі Курскай вобласці стварае сур'ёзную дылему для расейскага дыктатара Уладзіміра Пуціна.
Кіраўнік Белага дома ўпершыню выказаўся наконт аперацыі УСУ падчас візіту ў Новы Арлеан, перадае The New York Post.
“Я рэгулярна размаўляю са сваёй камандай, магчыма, кожныя чатыры-пяць гадзін на працягу апошніх шасці-васьмі дзён (каб быць у курсе падзей. - рэд.), і гэта стварае сапраўдную дылему для Пуціна”, - сказаў прэзідэнт ЗША.
Байдэн таксама дадаў, што ён і яго адміністрацыя знаходзяцца ў прамым, пастаянным кантакце з украінцамі, пакуль трывае вайсковая аперацыя.