Гарыс апярэджвае Трампа ў шасці з сямі ключавых штатаў

Апытанка.

Кандыдатка ў прэзідэнты ЗША Камала Гарыс апярэджвае свайго апанента Дональда Трампа ў шасці з сямі ключавых штатаў. Пра гэта сведчаць звесткі апытання, праведзенага Cook Political Report Swing State Project.

Апытанне паказала, што Гарыс мае перавагу над Трампам у 1% у такіх штатах, як Арызона, Джорджыя, Мічыган, Паўночная Караліна, Пенсільванія і Вісконсін.

У гэтых штатах яна мае 48% падтрымкі, Трамп - 47%. Яшчэ 5% рэспандэнтаў заявілі, што не вызначыліся ці не будуць удзельнічаць у галасаванні.

Невада застаецца адзіным штатам, дзе Трамп дагэтуль мае невялікую перавагу.

Гарыс апярэджвае Трампа на 2% у Арызоне, дзе ў траўні той меў перавагу 1% над дзейным прэзідэнтам Джо Байдэнам. Яна таксама змагла абагнаць Трампа ў Паўночнай Караліне, пераадолеўшы яго травеньскую перавагу ў 7%, і цяпер апярэджвае яго на 1% у Пенсільваніі, дзе раней Трамп меў 3% перавагу над Байдэнам.

У Джорджыі абодва кандыдаты маюць роўны ўзровень падтрымкі - па 48%. Паводле звестак апытання, у траўні Трамп апярэджваў Байдэна на 3%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com