Украінскае войска выкарыстоўвае сабак-робатаў у баях на Данбасе

Дроны на чатырох лапах могуць дабрацца туды, куды не можа даляцець БПЛА.

Узброеныя сілы Украіны задзейнічалі сабак-робатаў для баёў супраць расейскіх акупантаў у Данецкай вобласці. Пра гэта 13 жніўня напісаў Bild са спасылкай на ўласныя крыніцы.

Гаворка ідзе пра сабак-робатаў BAD.2, вырабленых брытанскай кампаніяй Brit Alliance. Адзначана, што гэтыя кампактныя дроны на чатырох лапах, абсталяваныя відэакамерамі, могуць дабрацца туды, куды не можа даляцець БПЛА, напрыклад углыб будынкаў або расейскіх акопаў, што павінна знізіць рызыку для ўкраінскіх вайскоўцаў.

Бясшумныя дроны могуць рухацца да 15 км/г і дзейнічаць у радыусе 3,5 км да пяці гадзінаў.

Кошт аднаго робасабакі складае ад €4 тыс. да €8 тыс.

Паводле звестак Bild, цяпер на фронце налічваецца больш за 30 такіх робасабак, апранутых у камуфляж ад нямецкага вытворцы Concamo. Першымі іх апрабавалі вайскоўцы 28-й асобнай механізаванай брыгады імя Рыцараў Зімовага Паходу УСУ, адзначыў таблоід.

«Гэты робасабака можа шукаць і знішчаць акупантаў і іх тэхніку рознымі спосабамі. А таксама палягчае жыццё нашым ваярам на перадавой», – напісала ў Facebook прэс-служба брыгады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com