Умераў і Осцін абмеркавалі аперацыі УСУ
- 14.08.2024, 21:15
- 2,056
![Умераў і Осцін абмеркавалі аперацыі УСУ](https://i.c97.org/ai/606790/aux-head-1723659313-20240101_mbpa_360.jpg)
Міністр абароны Украіны і кіраўнік Пентагона правялі тэлефонную размову.
У сераду, 14 жніўня, кіраўнік Пентагона Лойд Осцін правёў тэлефонную размову з міністрам абароны Украіны Рустэмам Умеравым. Сярод іншага бакі абмеркавалі сітуацыю на полі бою.
Кіраўнік Пентагона адзначыў, што падчас размовы з Умеравым размова ішла пра прыярытэтную дапамогу ў сферы бяспекі і пра актуальныя ваенныя аперацыі Украіны.
«Злучаныя Штаты застаюцца адданымі справе дапамогі Украіне ў абароне ад расейскай агрэсіі», – напісаў Осцін.
У прэс-службе Пентагона заявілі, што Осцін і Умераў таксама абмеркавалі падтрымку з боку чальцоў і партнёраў Альянсу ў задавальненні надзённых ваенных патрэбаў Украіны.
Умераў прапанаваў абноўленую інфармацыю пра дынаміку развіцця падзей на полі бою, а таксама пра ўплыў расейскіх атак на Украіну.