Байдэн пажартаваў, што на пенсіі стане блогерам
2- 14.08.2024, 21:38
- 1,688
![Байдэн пажартаваў, што на пенсіі стане блогерам](https://i.c97.org/ai/399817/aux-head-1604771057-20201107_biden_360.gif)
Прэзідэнт ЗША на сустрэчы з блогерамі заявіў, што шукае працу.
Прэзідэнт ЗША Джо Байдэн выказаў меркаванне, што пасля выхаду на пенсію ён зможа стаць інфлюэнсерам і весці свой блог. Пра гэта ён заявіў на сустрэчы з блогерамі.
На думку амерыканскага лідара, у сферу інтэрнэт-публікацый хочуць трапіць больш людзей, чым у якую-небудзь іншую.
«На вашую думку, куды я пайду, калі выйду на пенсію? У мяне ёсць кантакты… Я паклікаў вас у Белы дом, таму што шукаю працу», – пажартаваў Байдэн.
81-гадовы Байдэн у канцы ліпеня абвясціў пра зняцце сваёй кандыдатуры з прэзідэнцкіх выбараў, якія пройдуць у лістападзе 2024 года. Дэмакраты абралі сваім новым кандыдатам дзейную віцэ-прэзідэнтку Камалу Гарыс.