Швэйцарыя ўнесла ў санкцыйны спіс 27 грамадзянаў Беларусі
3- 15.08.2024, 21:16
- 9,440
Пад абмежаванні патрапілі суддзі, прапагандысты і кіраўнік ГУБАЗіК.
З 14 жніўня Швэйцарыя ўвяла санкцыі ў дачыненні да 27 грамадзянаў Беларусі, у асноўным – адказных за рэпрэсіі, а таксама прапагандыстаў і прадстаўнікоў бізнэсу, заўважыў «Позірк».
Сярод іншых у спіс уключаныя:
кіраўнік Галоўнай управы барацьбы з арганізаванай злачыннасцю і карупцыяй (ГУБАЗіК) МУС Андрэй Ананенка;
ягоныя намеснікі Андрэй Бядункевіч і Дзмітрый Ковач;
намеснік кіраўніка аддзела дзяржаўнага абвінавачання ўправы Генеральнай пракуратуры ў наглядзе за адпаведнасцю закону судовых пастановаў у крымінальных справах Міхаіл Кавалёў.
Таксама санкцыі ўведзеныя ў дачыненні да наступных людзей:
кіраўнік Ваўкавыскай ВК № 11 (Гарадзенская вобласць) Віктар Дуброўка;
кіраўнік гарадзенскай турмы № 1 Павел Казакоў;
ягоны намеснік Васіль Каляда;
кіраўнік гомельскай ВК № 4 Дзяніс Талсцянкоў;
кіраўнік менскага СІЗА № 1 Андрэй Цэдрык.
Пад санкцыі патрапілі 13 суддзяў:
Гомельскага абласнога суда Анатоль Сотнікаў і Аляксей Хлышчанкаў;
Магілёўскага абласнога суда Ігар Шведаў і Ігар Зямцоў;
Гарадзенскага абласнога суда Васіль Скок;
Менскага абласнога суда Вячаслаў Тулейка;
Менскага гарадскога суда Алена Ананіч;
суда Фрунзенскага раёна Менска Андрэй Млечка;
суда Ленінскага раёна Менска Таццяна Шоцік;
суда Рэчыцкага раёна Гомельскай вобласці Станіслаў Іванюценка;
суда Маладзечанскага раёна Менскай вобласці Вольга Дубовік;
суда Бабруйскага раёна і г. Бабруйска (Магілёўскай вобласці) Антон Дудаль;
суда Жлобінскага раёна Гомельскай вобласці Мікалай Сергяевіч.
Таксама патрапілі ў санкцыйны спіс Швэйцарыі:
гендырэктарка БелТА Ірына Акуловіч;
галоўны рэдактар выдавецкага дому «Беларусь сегодня» Дзмітрый Жук;
карэспандэнт АНТ Аляксей Краквін;
старшыня Маладзёвай рады (парламента) пры Нацыянальным сходзе Рэспублікі Беларусь Мікіта Рачылоўскі;
набліжаны да Аляксандра Лукашэнкі бізнэсовец Віктар Шаўцоў.
Імя апошняга фігуравала ў расследаванні «Беларускага расследавальнага цэнтра», звязанага з праектам «пашпарта новай Беларусі».
Абмежаванні ў дачыненні да падсанкцыйных асобаў, сярод іншага, уключаюць блакаванне актываў, забарону на выдачу крэдытаў і прыём буйных укладаў у Швэйцарыі, забароны на турыстычныя паездкі, авіяпералёты і іншыя захады.
Нагадаем, 5 жніўня новыя санкцыі супраць беларускіх сілавікоў і прапагандыстаў увялі ў Еўразвязе. Акрамя таго, у гадавіну сфальсіфікаваных беларускіх прэзідэнцкіх выбараў 2020 года Вялікая Брытанія ўвяла санкцыі супраць кіраўнікоў калоній і прадпрыемстваў ваенпраму Беларусі, ЗША пашырылі абмежаванні супраць афіцыйнага Менска – пад іх трапіў і самалёт, на якім лятае Лукашэнка. А ягоны сын Мікалай трапіў пад санкцыі Канады.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
