Мартынаўскі «кацёл»: УСУ акружылі марскіх пяхотнікаў з 810-й брыгады РФ
4- 22.08.2024, 8:36
- 13,934
![Мартынаўскі «кацёл»: УСУ акружылі марскіх пяхотнікаў з 810-й брыгады РФ](https://i.c97.org/ai/565379/aux-head-1695789769-20230927_btr_360.jpg)
На поўнач ад Суджы, утварылася «кішэня» для расейскіх вайскоўцаў.
Падраздзяленні УСУ зрабілі пэўнае прасоўванне ў Курскай вобласці, падыходзячы з флангаў да населенага пункта Коранева. На гэтым адцінку знаходзяцца расейскія вайскоўцы са 155 брыгады марской пяхоты, якая мае дачыненне да здзеку з цела ўкраінскага байца.
Акрамя таго, пад Суджой утварылася «кішэня», у якой затрымаліся расейцы з іншай брыгады марскіх пяхотнікаў РФ. Аб баях у Курскай вобласці на 22 жніўня распавялі аналітыкі Інстытута вывучэння вайны (ISW) у актуальнай справаздачы.
Аналітыкі ISW сцвярджаюць, што ў Мартынаўцы, населеным пункце на поўнач ад Суджы, утварылася «кішэня» для расейскіх вайскоўцаў. УСУ акружылі падраздзяленні 810 брыгады марской пяхоты Чарнаморскага флоту. Пра складаную для расейцаў сітуацыю сведчаць паведамленні мілітарных блогераў, якія хвалілі дэсантніка за вывад з акружэння групы тэрміновай службы. У справаздачы пазначана, што гаворка ідзе пра «Мартынаўскую кішэню», але прызнаюць, што трэба ўдакладніць інфармацыю.
![](https://i.c97.org/ai/607701/aux-1724304672-1.jpg)
У справаздачы пералічваюць населеныя пункты і пазіцыі, якія дакладна знаходзяцца пад кантролем Украіны. У спісе — Вішнёўка каля Снагасці, лясы побач з Аляксандраўкай, дарога каля Жураўлёў, ёсць прасоўванне каля Малой Локні і Рускіх Канапелек. Аналітыкі паведамілі, што каля Вішнеўкі ваююць расейцы са 155 брыгады марской пяхоты. Гэтая брыгада 16 жніўня апублікавала відэа з Белгародскай вобласці, на якім дэманстравала здзек з цела ўкраінца.
![](https://i.c97.org/ai/607701/aux-1724304672-2.jpg)
Украінскія вайскоўцы знішчылі масты і пантоны, размешчаныя на рацэ Сейм у Глушкаўскім раёне, пацвярджаецца ў справаздачы ISW. Пры гэтым аналітыкі заўважылі пэўныя разыходжанні ў тым, чым менавіта наносіліся ўдары па пераправах. Сілы спецыяльных аперацый УСУ паказалі відэа, на якіх нібыта бачна траплянне ракет HIMARS. У той жа час расейскія вайскоўцы запэўніваюць, што ўдар нанеслі «авіяцыйныя планерныя бомбы малога дыяметра».