МЗС Казахстана папярэдзіла Лукашэнку
22- 22.08.2024, 12:09
- 33,594
![МЗС Казахстана папярэдзіла Лукашэнку](https://i.c97.org/p/articles/2016/ai-235882-aux-head-20161228_kazahstan_360.jpg)
З-за заяў дыктатара амбасадара Беларусі выклікалі "на дыван".
Амбасадара Беларусі Паўла Уцюпіна запрасілі ў Міністэрства замежных спраў Казахстана і патлумачылі эфектыўнасць замежнапалітычнага курсу прэзідэнта Касым-Жамарта Такаева, паведамляе прэс-служба МЗС Казахстана.
Падчас сустрэчы міністра замежных спраў Казахстана Мурата Нуртлеў з амбасадарам Беларусі Паўлам Уцюпіным "былі абмеркаваныя актуальныя пытанні казахска-беларускага супрацоўніцтва як на двухбаковым узроўні, так і ў рамках шматбаковых арганізацый".
Міністр падкрэсліў, што Казахстан праводзіць збалансаваную і мірную замежную палітыку ў адпаведнасці са Статутам ААН і нормамі міжнароднага права, а ўсе супярэчнасці паміж дзяржавамі павінны разглядацца палітыка-дыпламатычнымі сродкамі.
“У цяперашніх геапалітычных умовах выпрацаваны кіраўніком дзяржавы замежнапалітычны курс краіны даказаў сваю эфектыўнасць. У сувязі з гэтым міністр заклікаў беларускі бок да неабходнасці аб'ектыўна ацэньваць пазіцыю Астаны ў дачыненні да працэсаў, якія адбываюцца”, — піша прэс-служба МЗС Казахстана.
Раней у інтэрв'ю расейскім прапагандыстам Аляксандр Лукашэнка заявіў, што некаторыя краіны постсавецкай прасторы "ад Расеі хочуць нешта ўзяць, а ўзамен нічога не даць", згадаўшы Казахстан.