Арменія падала ў Дзярждэп ЗША запыт аб супрацоўніцтве аб мірным атаме

Ерэван дыстанцуецца ад РФ.

Арменія адправіла ЗША заяўку на далучэнне да «Пагаднення 123» — дакумента аб супрацоўніцтве ў галіне мірнага атама, паведаміў CivilNet са спасылкай на прадстаўніка амерыканскага Дзярждэпартамента.

«Урад ЗША не дзеліцца падрабязнасцямі перамоўнага працэсу, але Дзярждэпартамент надае належную ўвагу просьбе Арменіі далучыцца да «Пагаднення 123», - паведамілі ў Дзярждэпе ў адказ на запыт CivilNet. Там адзначылі, што ЗША вітаюць перспектыву паглыблення ядзернага супрацоўніцтва з Арменіяй.

«Пагадненне 123» названае ў гонар раздзела 123 амерыканскага закона аб атамнай энергетыцы, які патрабуе ўкладання пагаднення аб супрацоўніцтве ў галіне мірнага атама для адпаведных паставак. Дакумент дае аснову для тэхнічных абменаў, суольных навуковых даследаванняў і дыскусій аб гарантыях.

Як адзначае CivilNet, перамовы аб укладанні пагаднення звычайна зацягваюцца на гады. Найхутчэй такі дакумент ЗША падпісалі з Філіпінамі, тады праца над ім доўжылася год.

Арменія паскорыла збліжэнне з краінамі Захаду ў 2023 годзе, пасля таго як армянскі прэм'ер-міністр Нікол Пашынян абвінаваціў Расею і АДКБ у бяздзейнасці падчас нагорна-карабахскага канфлікту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com