Ураган сарваў дахі дамоў у Карэліцкім раёне

Стогадовыя дрэвы вырваныя з коранем.

Удар стыхіі зазнала вёска Хлюпічы Карэліцкага раёна, паведамілі БелТА ў прэс-службе Гарадзенскага аблвыканкама. Дамы засталіся без дахаў. Стогадовыя дрэвы вырваныя з коранем.

У выніку ўзмацнення ветру і навальнічнага фронту пашкоджаны дахі 19 дамоў, 8 з якіх выкарыстоўваюцца пад лецішчы. У вёсцы ўпала пяць дрэў.

У раёне парушалася электразабеспячэнне трох населеных пунктаў, аварыйныя брыгады раённых электрычных сетак аднаўляюць электразабеспячэнне.

На шчасце, ніхто з людзей не пацярпеў.

Найбліжэйшым часам будзе адноўлена падача электраэнэргіі. На месца здарэння выехалі прадстаўнікі будаўнічых арганізацый, распачаты аднаўленчыя работы. Працягваецца расчыстка дарог і прылеглай тэрыторыі ад паваленых дрэў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com