Пуцін забыўся назвы атакаваных УСУ расейскіх рэгіёнаў
15- 23.08.2024, 9:08
- 19,616
![Пуцін забыўся назвы атакаваных УСУ расейскіх рэгіёнаў](https://i.c97.org/ai/281349/aux-head-1519935552-putin_360.jpg)
Кіраўнік Крамля абняславіўся на ўсю Расею.
Крамлёўскі дыктатар Уладзімір Пуцін, які імітуе нібы клопат пра расейцаў, якія пражываюць у прымежных з Украінай абласцях, напраўду нават не можа ўспомніць назву гэтых рэгіёнаў.
Выступаючы на нарадзе аб сітуацыі ў Курскай, Белгародскай і Бранскай абласцях, дыктатар без паперкі не змог успомніць назвы гэтых рэгіёнаў, піша dialog.ua.
Нарада адбылася праз два тыдні пасля таго, як УСУ прарвалі расейскую мяжу ў Курскай вобласці і ўзялі пад свой кантроль амаль сотню населеных пунктаў.
У сваёй прамове Пуцін расказаў, што даручыў заняцца пытаннямі сацыяльна-эканамічнага характару ў трох пералічаных абласцях.
Звяртаючыся да кіраўнікоў гэтых рэгіёнаў, дыктатар запнуўся, забыўшыся на назву абласцей, і змог прадоўжыць выступ толькі пасля таго, як зазірнуў у падрыхтаваны даклад.
Пуцін, які трапіў у канфузную сітуацыю, быў паказаны ў эфіры федэральных каналаў РФ.