«Трэба поўнасцю мяняць сістэму»
14- 23.08.2024, 10:16
- 3,706
![«Трэба поўнасцю мяняць сістэму»](https://i.c97.org/ai/607869/aux-head-1724397384-20240823_cherviakova_360.jpg)
Менчукі скардзяцца на камунальнікаў.
Даму на Чарвякова, 23 — больш за 40 гадоў, прыйшоў час капрамонту. Яго зрабілі, праўда, некаторыя жыхары засталіся незадаволеныя. Гісторыю расказваюць на канале агенцтва «Минск-Новости».
Са слоў аўтараў сюжэту, капрамонт у гэтым доме доўжыўся больш за паўгода.
— У нас дзве вялікія праблемы — гэта каналізацыя і фасад дома, — расказвае ў сюжэце адказная за дом Алена Кісялёва. - Каналізацыя ў нас шмат гадоў затаплялася. Цяпер мы з гэтым змагаемся, але дагэтуль бываюць падтапленні. Тамака трэба цалкам змяняць сістэму, але на жаль гэта не запланавана на капрамонт.
Нашаму дому 43 гады, ён увесь крывы. Нават пры бягучым, а не капітальным рамонце ўсе пяціпавярховікі выраўноўваюць. Акрамя нашага. Пад'езд фарбавалі ў снежні - і ўжо ўвесну ён аблез. Ёсць сцены, якія перарабляюць па тры-чатыры разы.
Зараз жыхары просяць паправіць недаробкі. Камунальнікі, гавораць у сюжэце, каментаваць сітуацыю адмовіліся.