Экспэрт: На авіябазе «Марынаўка» пашкоджана сем расейскіх самалётаў Су
1- 23.08.2024, 15:22
- 7,412
![Экспэрт: На авіябазе «Марынаўка» пашкоджана сем расейскіх самалётаў Су](https://i.c97.org/ai/607913/aux-head-1724415598-20240823_marinovka_360.jpg)
OSINT-аналітыкі падлічылі страты РФ.
Расейскія акупанты ў выніку нападу ўкраінскіх БПЛА ў Валгаградскай вобласці на авіябазу «Марынаўка» маглі пацярпець 7 самалётаў Су РФ. Аб гэтым піша OSINT-даследчык The Military Watch.
Да такой высновы ён прыйшоў, прааналізаваўшы фота і відэа наступстваў атакі ў сетцы. Экспэрт падлічыў самалёты, якія стаялі ў ангарах і рамонтнай зоне.
На ягоную думку, спіс страт ВКС РФ наступны:
адзін Су-34 поўнасцю знішчаны ў рамонтнай зоне;
адзін няспраўны Су-24 цалкам знішчаны ў рамонтнай зоне;
адзін Су-34 знішчаны або пашкоджаны без магчымасці рамонту ў ангары 3.
два Су-34 пашкоджаны ў ангарах 5 і 6.
адзін Су-24, магчыма, пашкоджаныя ў ангары 7.
![](https://i.c97.org/ai/607913/aux-1724415459-0e3e7d41-a38ab4797109a056f6adaee77c8aa3b1.jpg)
Ён адзначыў, што таксама знішчаны або пашкоджаны самалёт, які быў у ангары 4, але яго мадэль даследчык не змог дакладна вызначыць.
![](https://i.c97.org/ai/607913/aux-1724415459-7e5637fc-39bf58006a4d53c40ec0dc68296d763a.jpg)
Нагадаем, што 22 жніўня беспілотнікі ССА і СБУ атакавалі авіябазу «Марынаўка» у Валгаградскай вобласці - адзіны ў РФ аэрадром з схованкай для самалётаў, дзе базаваліся 30 бамбавікоў. Знішчана і пашкоджана некалькі ангараў, асобныя будынкі, а таксама бачная вялікі абшар пажару на тэрыторыі авіябазы.