Беларусаў папярэдзілі аб небяспецы патрапіць у пастку
7- 23.08.2024, 15:35
- 2,396
![Беларусаў папярэдзілі аб небяспецы патрапіць у пастку](https://i.c97.org/ai/515629/aux-head-1663150773-20220914_otter_Charter97.org_360.jpg)
З 1 верасня пачнецца сезон палявання на баброў і выдраў.
У Смаргонскай міжраённай інспекцыі аховы жывёльнага і расліннага свету паведамілі, што 1 верасня ў Беларусі пачнецца сезон палявання на баброў і выдраў. З-за гэтага ў месцах палявання могуць з'явіцца пасткі.
Сезон палявання на гэтых жывёл працягнецца да 31 сакавіка 2025 года. Як расказаў старшы дзяржаўны інспектар Смаргонскай міжраённай інспекцыі аховы жывёльнага і расліннага свету Віталь Грышачкін, паляваць на баброў і выдраў можна як са стрэльбай, так і бясстрэльбавым спосабамі.
Вось што (і каго) дазволена выкарыстоўваць пры паляванні:
• наразная паляўнічая зброя з рулевай энэргіяй кулі звыш 1500 джоўляў,
• гладкарулевая зброю з выкарыстаннем патронаў, забяспечаных куляй або карцеччу,
• паляўнічыя лукі і арбалеты,
• маламерныя судны без рухавіка або з непрацоўным рухавіком,
• паляўнічых сабак (за выключэннем ганчакоў і хартоў), пасткі (акрамя петляў).
Паляваць на баброў і выдраў можна як удзень, так і ўночы, адзначыў Грышачкін у каментары газеце "Ашмянскі веснік". Пры гэтым усталёўваць пасткі, правяраць і даставаць адтуль здабычу дазволена толькі ўдзень.